Drejtori i skuderisë së Ferrari-t, Frederic Vasseur foli për situatën e pakëndshme në bokset e skuadrës italiane, që solli dhe penalizimin e Carlos Sainz.
Problemi në skuderinë kokëkuqe ishte në momentin ku të dy pilotët e Ferrarit, Sainz dhe Leclerc u futën në boxe. Në momentin e fundit spanjolli duhet të priste Leclerc për ndërrimin e gomave duke u vonuar me 2 sekonda me ngadalësimin e shpejtësisë në daljen nga pit-stopi.
“Fola me Carlos-in sapo u kthyem në Maranello. Strategjia ishte e qartë që nga fillimi. Donim të krijonim një distancë të madhe nga ndjekësit tanë potencialë. Të gjithë pilotët në mbarë botën nuk duan të renditen pas shokëve të skuadrës, por plani ishte i detajuar. Kushdo që të ishte përpara do t’i jepej mundësia për të bërë më mire”, u shpreh drejtor i Ferrarit.
Lexo edhe:
- Goditje e Partizanit në merkato, kampionët firmosin me ish-kapitenin e Kukësit
- TKZ nis misionin kombëtar nga jugu, fshihen shkrimet antishqiptare dhe vendoset flamuri kuqezi
- “Pak lojtarë e kanë mentalitetin e tij”/ Tani është zyrtare, firmos Xhaka: Këtë kampionat e njoh mirë
- Krymi kthehet në Shkodër, çështje orësh zyrtarizimi te Vllaznia
Pas 9 garave në këtë edicion të botërorit të shpejtësisë, Ferrari është jashtë podiumit të konstruktorëve, duke u renditur në vendin e 4-të me 154 pikë. Red Bulli kryesues ka 377 ndërsa ndjekin Mercedes me 178 pikë dhe Aston Martin me 175.
