Pasi mbylli aventurën me skuadrën e Monaco, ku qëndroi për 4 vjet, Stevan Jovetic mund të rikthehet sërish në kampionatin italian, ku më parë ka veshur fanellën e Fiorentinës dhe të Interit. Trajneri i Atalantës, Gian Piero Gasperini kërkon ta rikthejë sërish malazezin në Serinë A, pasi e shikon 31-vjeçarin si pasuesin ideal të Josip Ilicic, i cili do të largohet nga bergamaskët gjatë kësaj merkato verore, pavarësisht se kontrata e lojtarit skadon në 2022-in. Sipas mediave italiane, pengesë për transferimin e Jovetic nën urdhërat e Gasperinit mund të bëhet kërkesa e lojtarit, i cili pretendon një pagë të lartë.
