Egnatia fiton 1-0 ndaj Kukësit në ndeshjen hapëse të javës së 29 në Superiore. Rrogozhinasit u rikthyen te tre pikët pas plot shtatë ndeshjesh në kampionat teksa triumfi i fundit datonte më 29 janar të këtij viti ndaj Erzenit. Rrogozhinasit mposhtën në fushës e tyre verilindorët teksa vendasve i mjaftoi një gol i Zejnullait në minutën e gjashtë të pjesës së parë.
Lexo edhe:
- UEFA gati t’i heqë telashet Sylvinhos, mendohet zgjerimi i listës për Europianin
- “Shumë dashuri për Greqinë, por jam patriot! Zemra ime rreh për Shqipërinë”
- Shtohen telashet për Tonalin, ka luajtur baste sportive edhe në Angli
- Rrëfimi prekës/ Depresioni i Richarlison: Desh u dorëzova! Ky person më shpëtoi jetën
Të besuarit e trajnerit Edlir Tetova patën shansin për të dyfishuar me anë të Spahiut në minutën e 21, por topi u ndal në traversë.
Në fraksionin e dytë, vendasit menaxhuan më së miri avantazhin dhe ruajtën portën e paprekur me Kukësin që nuk pati forcë për të krijuar rrezikshmëri. Kështu, 90-minutëshi u mbyll me shifrat 1-0 për Egnatian që ngjitet në kuotën e 54 pikëve në vend të parë ndërsa verilindorët mbeten të fundit me 25 pikë.
