Kur duhen edhe rreth dy orë nga starti i takimit të parafundit eliminator të Shqipërisë, që do të luhet përballë Andorrës në “Elbasan Arena”, trajneri Edi Reja ka ndarë mendjen për 11-shen që do të hedhë në fushë nga minuta e parë.
Kështu në mbrojtje do të bëjë pushim Dermaku, që do të zëvendësohet nga Veseli, ndërsa konfirmohet titullar për të dytën ndeshje radhazi anësori i Partizanit Lorenc Trashi.
Ramadani do të marrë vendin e Gjasulës së pezulluar dhe Ndoji do të luajë në vendin e Bares në mesfushë, ndërsa Bekim Balaj do të jetë partneri i Manajt në vijën e parë të sulmit.
