Manchester United po mbyll një tjetër sezon zhgënjyes, teksa me 6 javë nga fundi i kampionatit gjasat janë që të mbetet jashtë kompeticioneve europiane për vitin e ardhshëm dhe vëmendja e drejtuesve është përqendruar te merkatoja e verës.
Në pritje për të mësuar nëse do të konfirmohet apo jo trajneri holandez Eric Ten Haag, “djajtë e kuq” kanë nisur të listojnë futbollistët që do të provojnë t’i afrojnë në verë në “Old Trafford”.
Një nga emrat kryesorë në që synohet nga Manchester United është mbrojtësi italian i Interit, Alessandro Bastoni, i cili është shndërruar në një nga pikat më të forta të prapavijës si në klubin milanez, ashtu edhe te Italia e Spallettit.
Media britanike bën me dije se “djajtë e kuq” kanë nisur kontaktet me agjentin e Bastonit, të cilit i kanë konfirmuar dhe gatishmërinë për të paguar 60 milionë euro për kartonin e mbrojtësit.
Lexo edhe:
- Klube të Serisë A kërkojnë Shpendin, e zbulon drejtuesi i Cesenës
- Bellingham “lan me ar” Dortmundin, verdhezinjtë fërkojnë duart me fenomenin anglez
- “Unë ose Allegri te Juvja”, sulmuesi u vendos ultimatum bardhezinjve
- “Je mbrojtës e marrtë dreqi”, legjenda holandeze: Tani e kuptoj pse Guardiola nuk e do Cancelon!
Edhe marrëdhëniet me Interin janë mjaft të mira, pasi verën e kaluar ishte kamerunasi Andre Onana që u transferua nga Milano drejt Manchesterit, megjithatë zikaltrit nuk kanë ndërmend të shesin Bastonin pa përfunduar Europiani.
Kjo pasi kampionët e Italisë shpresojnë se me një paraqitje të mirë në Gjermani, skuadrat e interesuara për Bastonin mund të shtohen dhe rrjedhimisht të rritet edhe vlera e ofertave ndaj tij.