Minutat finale të derbit ndaj Torinos rezultuan të hidhura për portierin e Juventus, Wojciech Szczesny. Pas një përplasje në zonë me Masinën, polaku mbeti i dëmtuar në hundë me mjekët që morën disa minuta për t’i ndalur hemoragjinë në hundë 33-vjeçarit.
Pas sfidës, trajneri Massimiliano Allegri u shpreh se Szczesny mund të kishte pësuar frakturë në hundë. Dhe, në fakt më e keqja u konfirmua vetëm disa orë më pas, me portierin kishte pësuar frakturë në dy vende të hundës.
Lexo edhe:
- VIDEO/ Çfarë gafë nga Aro Muric, i kushton shtrenjtë Burnleyt
- “Ju fal edhe rrogën”, lojtari i Lazios surprizon në intervistë: Dua vetëm të largohem!
- VIDEO/ Ra pa ndjenja në fushë, humb jetën ish-futbollisti nga Saranda
- Arabët zbarkojnë në Itali, Zhang gati t’u shesë Interin
Polaku iu nënshtrua menjëherë ndërhyrjes kirurgjikale dhe për momentin nuk bëhet ende e ditur koha e rikuperimit. Te Juventus, shpresojnë që ta kenë gati sa më shpejt të jetë e mundur për këto ndeshje të fund sezonit, ndoshta edhe duke i përshtatur një maskë mbrojtëse. Gjithsesi, në rast se Szczesny nuk ia del, atëherë i gatshëm është edhe Mattia Perin.