Ka përfunduar java e tretë dhe faza e parë e Kampionatit Kombëtar të Futsallës, që organizohet nga Federata Shqiptare e Futbollit.
Këtë sezon marrin pjesë katër skuadra: Partizani Futsallë, Tirana Futsallë, Flamurtari Futsallë dhe Vllaznia Futsallë.
Të dyja sfidat e javës së tretë u luajtën të shtunën në orën 18:00. Në kompleksin sportiv “Goga Basket“ u zhvillua derbi i parë i sezonit mes Partizanit dhe Tiranës.
Sfida përfundoi me fitoren e thellë të bardhebluve me rezultatin 2-9. Tirana dominoi takimin që në start dhe arriti një fitore fantastike në derbin e parë të sezonit.
Lexoni edhe:
- “Kurajë, Sven! Do e fitosh edhe këtë ndeshje”, Mancini: Po lufton si luan
- Barcelona pa sulmuesin brazilian në finalen e Superkupës
- Statistika e veçantë/ Vetëm Virgil van Dijk në nivelin e mbrojtësit kuqezi
- Puna e Mourinhos nuk po bind, dueli me Feyenoordin vendos të ardhmen e portugezit në Romë
Takimi tjetër i javës ishte Vllaznia-Flamurtari, që u luajt në pallatin e sportit “Shkodër”. Ndeshja ishte e luftuar deri në fund u mbyll në barazim 2-2.
Pas përfundimit të fazës së parë Tirana kryeson renditjen me nëntë pikë, ndërsa Flamurtari i dyti me katër pikë.
Partizani renditet i treti me po aq pikë, ndërsa Vllaznia në vend të fundit me vetëm një pikë.
Rezultatet e javës së tretë të Kampionatit të Futsallës & renditja:
Partizani Futsallë-Tirana Futsallë 2-9
Vllaznia Futsallë-Flamurtari Futsallë 2-2
Renditja:
Tirana Futsallë 9 pikë
Flamurtari Futsallë 4 pikë
Partizani Futsallë 3 pikë
Vllaznia Futsallë 1 pikë