Atletico Madrid i ka kushtuar shumë pikë sezoni mes uljeve dhe ngritjeve në LaLiga. Los Colchoneros janë aktualisht 11 pikë pas Gironës së vendit të parë dhe në fundjavë i pret përballja në derbi me Realin e Madridit.
Megjithatë, të besuarit e trajnerit Diego Simeone nuk janë dorëzuar sa i takon titullit kampion dhe së fundmi, Antoine Griezmann theksoi se skuadra ka nisur të fitojë besimin edhe si pasojë e dy fitoreve të fundit në kampionat.
Lexo edhe:
- “Tradhtoi” Dinamon e Zagrebit me Hajdukun, tifozët nuk e falin fantazistin kroat
- “Kam fjetur shumë pak”, Sinner zbulon mendimet në pikën e fundit të ndeshjes
- Inter kthehet në “bunker”, mbrojtja vendos rekord në Europë!
- Fundjava kuqezi/ Asllani vendimtar me asist, në Turqi shkëlqejnë Manaj dhe Cikalleshi
“Titulli mbetet një mundësi ende e hapur për Atleticon, duhet të fitojmë sa më shumë ndeshje dhe pastaj në fund të shohim. Por, nuk jemi dorëzuar. Unë po kaloj një moment të mirë dhe po e shijoj. Skuadra është po ashtu mirë, po punon shumë. Në dy ndeshjet e fundit jemi rikthyer të mos pësojmë gola dhe për ne kjo është diçka shumë e rëndësishme dhe që na ndihmon të luftojmë”, theksoi francezi.