Pas shumë vitesh karrierë në Itali dhe në Kinë, Hernanes rikthehet përfundimisht në Brazil. Mesfushori brazilian për të tretën herë do të veshë fanellën e klubit të tij të zemrës, Sao Paolo me të cilët firmosi deri në vitin 2021. Për 33-vjeçarin përflitej për një transferim tjetër në Serinë A por lojtari zgjodhi ekipin ku është formuar si lojtar teksa mbylli përfundimisht edhe aventurën me Hebei Fortune në kampionatin kinez. Këta të fundit arkëtuan 3 milionë euro për kartonin e Hernanes i cili tani ka si synim të fitojë Copa Libertadores me Sao Paolon.
