Henrikh Mkhitaryan është duke u rikuperuar pas dëmtimit në kofshën e majtë, ndërsa sot është rikthyer në stërvitje.
Nga Italia raportohet se mesfushori i Interit ka nisur këtë të martë stërvitjen individuale. Megjithatë duhet theksuar se ishi i Romës e ka thuajse të pamundur që të rikthehet në fushën e lojës në ndeshjen me Cremonesen më 30 gusht.
Më tej nga mediet italiane theksohet se qëllimi i Inzaghit është që mesfushori të jetë në gjendje të luajë në derbin kundër Milanit më 3 shtator.