Ndryshe nga Shqipëria U-21 që vuajti dhe në fund u largua nga Andorra me një barazim 2-2, Kosova e 21-vjeçarëve i ka nisur në mënyrën më të mirë eliminatoret e kampionatit europian të vitit 2021, pasi ka marrë një fitore të thellë dhe shumë të thjeshtë në transfertën e Andorras. Skuadra e Rafet Prekazit zgjidhi gjithçka që në pjesën e parë duke realizuar plot 4 gola me Gashin, Dakun, Memën dhe Abedinin. Në fraksionin e dytë Kosova U-21 menaxhoi rezultatin dhe me këtë fitore u ngjit menjëherë në krye të grupit 3 eliminator me 3 pikë, duke lënë pas Turqinë falë goleavarazhit më të mirë.
