Kukësi humbet për rreth një muaj e gjysmë një nga pikat kyçe të skuadrës, William Cordeiron. Mbrojtësi brazilian i verilindorëve, nëpërmjet një postimi në rrjetet sociale ka bërë të ditur se do të mungojë nga fushat e blerta për 4-6 javë, kjo për shkak të një frakture në dorën e djathtë.
“Për fat të keq, unë nuk do të luaj për 4-6 javë për shkak të një frakture në dorë. Luajta 3 ndeshjet e fundit me dorën e dëmtuar dhe gjërat u përkeqësuan. Më vjen shumë keq për këtë, por këto ndodhin në futboll. Do të përqendrohem te periudha e rikuperimit dhe do të kthehem më i fortë”.
25-vjeçari, i cili iu bashkua Kukësit në verë nga skuadra e Oeste në Brazil, është pjesë e formacionit bazë, teksa është aktivizuar në 21 ndeshje të Superiores, në të gjitha rastet titullar, duke shënuar 4 gola. Jo pak për një anësor.
https://www.instagram.com/p/BuJoUscA7O6/