Në të njëjtën ditë që Interi prezantoi zyrtarisht Stefan De Vrij si afrimin më të ri, Lazio prezantoi në kryeqytetin italian zëvendësuesin e holandezit.
Bëhet fjalë për Francesco Acerbin, i cili erdhi nga Sassuolo dhe do të mbulojë vendin e lënë bosh nga De Vrij, para portierit Thomas Strakosha.
30-vjeçari ishte një nga preferencat e trajnerit bardhekaltër Simone Inzaghi, i cili këmbënguli shumë për të sjellë mbrojtësin në Romë, ku ka nënshkruar një kontratë 5-vjeçare.
Francesco Acerbi ka një CV të pasur në Serinë A, ku ka luajtur për skuadra si Chievo e Mialni, por formën më të mirë të tij e ka treguar te Sassuolo, ku luan që prej sezonit 2013.
