Si futbollist ishte i jashtëzakonshëm, ndërkohë që karriera si trajner nuk po shkon sipas parashikimeve. Gjithsesi, Wayne Rooney nuk dorëzohet dhe do të rikthehet sërish në pankinë.
15 ndeshje zgjati për Rooneyn aventura si tekniku i Birmingham, skuadër që garon në Championship, aty ku renditet në vendin e 20-të.
“Unë do të doja të falënderoja Tom Wagner, Tom Brady dhe Garry Cook për mundësinë e stërvitjes së Birmingham City dhe për të gjithë mbështetjen që më keni dhënë në kohën time të shkurtër në klub.
Futbolli përbehet nga rezultatet dhe e pranoj se këto munguan gjatë qëndrimit tim këtu. Koha është shumë e çmuar për trajnerët. Dhe nuk mendoj se 13 javë janë të mjaftueshme për ndryshimet e nevojshme.
Personalisht do të marr pak kohë për të kapërcyer këtë dështim. Jam pjesë e botës së futbollit, si lojtar dhe trajner, prej moshës 16-vjeçare. Tani dua të kaloj kohë me familjen time.
Në mënyrë që të përgatitem për mundësinë e radhës në rrugëtimin tim si trajner. Urimet më të mira për Birmingham City dhe pronarët e klubit”, shkruan ish-sulmuesi i famshëm anglez. I cili më parë ka drejtuar Derby Countyn në Angli dhe DC United në futbollin amerikan.
