I gëzohet suksesit trajneri i Kastriotit, Ramazan Ndreu, i cili thekson se skuadra e tij po rritet ndeshje pas ndeshjeje.
“Isha i bindur që skuadra do të rritej nga ndeshja nga ndeshje. E kisha studiuar me shumë kujdes Skënderbeun, e pashë me Vllazninë. Duke parë që ka dy sulmues të shpejtë, mendova të aktivizoja Karakaçin stoper. I morëm masat dhe po ta lexosh ndeshjen, skuadra kundërshtare nuk pati asnjë rast. Fituam një ndeshje shumë të rëndësishme, sepse nuk është e mjaftueshme vetëm loja e mirë. Deri kur të marrë veten edhe Dida, Karakaçi do të luajë aty. Do të vazhdojmë kështu siç jemi.Kam lojtarë ndoshta me më cilësi. Kemi disa lojtarë që vijnë nga një periudhë e gjatë që nuk kanë luajtur. Duhet të hyjnë në ritmin e lojës”, tha Ndreu.