Benjamin Pavard është shndërruar në objektivin e Barcelonës për merkaton e janarit teksa presidenti i katalanasve, Joan Laporta pretendon se francezi nuk është i lumtur në Gjermani. Në këtë formë, numri një i katalanasve synon të përfitojë nga marrëdhënia mes Pavard dhe bavarezëve, teksa lojtarit i skadon kontrata në vitin 2024 dhe duke mos pranuar rinovimin, shndërrohet në një opsion real për spanjollët që për shkak të aspektit ekonomik, i preferojnë pamasë goditjet “low cost”.
“Pavard është një opsion real për Barcelonën, kontrata e tij përfundon në vitin 2024 dhe ai kërkon të largohet nga Bayern Munich. Për ne do të ishte një përforcim shumë i rëndësishëm”, u shpreh Laporta.
Anësori francez është pjesë e Bayern Munich prej vitit 2019 ndërsa në 13 ndeshje të këtij sezoni, ia ka dalë të gjejë edhe njëherë rrugën e rrjetës.