Pak orë përpara gjysmëfinales së parë të Champions League të cilën Roma e tij do ta zhvillojë ndaj Liverpoolit në Anfield Road, presidenti James Pallota vendos objektivat e klubit verdhekuq për të ardhmen: “ Brenda 5 viteve të ardhshme dëshiroj që Roma të ketë një stadium të sajin, të fitojë një Champions League, 1 kampionat dhe 1 Kupë Italie, në mënyrë që të mbeten në kokë edhe ato pak flokë që kam”, deklaroi më pas në formë batute, Pallotta. “ Nuk kam qenë kurrë në Kiev” shtoi më pas presidenti i Romës duke iu referuar finales së Champions League dhe dëshirës së madhe që ka që Roma të kualifikohet në finalen e Championsit.
