Në ditët e fundit të merkatos së verës, Mohamed Salah ishte shumë pranë largimit nga Liverpooli për në Arabinë Saudite, tek Al Ittihad. Verën e ardhshme, zërat për largimin e “Faraonit” nga Anfield do të intensifikohen dhe atëherë mund të jetë momenti kur mund të largohet vërtet pas 7 sezonesh.
Në Angli, “Athletic” tashmë është fokusuar në zbulimin e zëvendësuesit e mundshëm të egjiptianit. Drejtuesit e Liverpoolit kuptohet do të nisin që tani hulumtimet për një profil që mund të bëjë të harrohet Salah.
Lexo edhe:
- Lewandowski: Shtatori shumë keq për Poloninë, ky rezultat është një turp!
- Duka: Zemra mal nga Kombëtarja dhe tifozët, është momenti të festojmë!
- Polonia kundër Santos pas humbjes ndaj Shqipërisë, trajneri: Kam fituar Europianin dhe nuk do të largohem
- VIDEO/ Shqipëria shtron rrugën për në Europian, mposht Poloninë dhe kryeson Grupin E
Ëndrra e “The Reds” mbetet Kylian Mbappé, i lidhur prej kohës me një transferim te Reali i Madridit. Me lëvizjen e mundshme të francezit në “Bernabeu”, mund të hapet një rrugë që të çon te Vinicius, ndërsa alternativa tjetër është në Itali.
Një nga profilet më të vlerësuara nga Jurgen Klopp është Khvicha Kvaratskhelia, “ylli” i Napolit, i cili vitin e kaluar u dallua veçanërisht kundër anglezëve në Champions League. Emrat e tjerë të mirë janë Takefusa Kubo i Real Sociedadit dhe Bukayo Saka i Arsenalit.
