Lorenzo Pellegrini e shikon veten te Roma edhe për shumë vite të tjera. Në një intervistë për gazetën Il Tempo mesfushori që mund të jetë kapiteni i ardhshëm i Romës në momentin që Edin Dzeko nuk do të jetë më pjesë e kryeqytetasve siç e la të kuptohet edhe trajneri Fonseca, është shprehur se do t’i pëlqente që rritja e tij të shkonte në paralel me atë të Romës. “ Besoj që unë dhe Roma do të rritemi akoma më shumë sëbashku dhe në të ardhmen do të fitojmë gjëra të rëndësishme”, deklaroi Pellegrini i cili grumbullohet rregullisht edhe nga kombëtarja italiane.
