Komisioni i Kontrollit Financiar të Klubeve në UEFA nuk do të mund të rihapë dosjen e hetimit ndaj klubit francez të Paris Saint Germain.
Kjo pasi ky klub ka fituar betejën me UEFA-n në CAS, ku kishte kërkuar të mos rihapej dosja, pasi nuk ishin respektuar afatet e përcaktuara për ta bërë këtë.
Komisioni i Kontrollit Financiar të Klubeve në UEFA mbylli një hetim ndaj klubit francez qershorin e kaluar, por pak më vonë, ishte presidenti i këtij komisioni, që vendosi rihapjen e çështjes.
Por pasi çështja shkoi në CAS, ky i fundit vendosi në favor të klubit francez, pasi UEFA nuk e kishte rihapur dosjen brenda 10 ditësh, ashtu siç përcaktohet në rregulloren e saj.
