Antonio Rudiger së shpejti mund të bëhet lojtar i Realit të Madridit. Siç raportohet nga “Daily Mail”, klubi i drejtuar nga presidenti Florentino Perez dëshiron që mbrojtësi i Chelsea-t të nënshkruajë një parakontratë në janar, në mënyrë që të përjashtojë çdo mundësi që futbollisti të transferohet në një ekip tjetër të madh.
Blutë e Londrës, nga ana e tyre, kanë paraqitur një ofertë rinovimi prej rreth 160 mijë eurosh në javë për të bindur ish-lojtarin e Romës që të rinovojë kontratën. Tashmë gjithçka është në dorën e gjermanit, i cili ende nuk ka marrë një vendim përfundimtar dhe po studion edhe propozimet e tjera, mbi të gjitha ato të Bayernit të Mynihut dhe Paris Saint-Germain.