Darron Gibson, ish-lojtar i Manchester United dhe Evertonit, tregon se pas përfundimit të karrierës së tij kaloi një fazë të varësisë totale nga pilulat e gjumit.
“Në atë moment as që punoja. Shikoj fotografitë e asaj kohe dhe shoh që ishte gri. Nëse do të kishte vazhduar, do të kisha vdekur. Unë merrja 12 deri në 14 pilula gjumi çdo ditë”, tregon ai për uebsajtin “The 42”.
Trupi dha alarmin, Gibson pati një konvulsion që e detyroi të shtrohej në spital.
“Nuk fola për pilulat. Gruaja ime e dinte që po e merrja, por nuk e dinte se sa ishin. . Ata menduan se ishte epilepsi, por jo. Pastaj doktori më tha që truri dhe zemra ime ishin mirë”, kujton ai.
Lexo edhe:
- E kryer, Emmanuel Egbo merr drejtimin e bardhebluve
- VIDEO/ Ballkani pëson humbjen e dytë në Europë, “bie” në Fadil Vokrri përballë Astanës
- Dy fitore pa pësuar gol, Shqipëria ngjitet në renditjen e FIFA-s
- Barcelona nxjerr në shitje stolat e “Camp Nout”
Gibson garanton se frika ndryshoi gjithçka dhe ai nuk mori më pilula gjumi. Sipas të dhënave nga Shoqata e Lojtarëve Profesionistë, 120 lojtarë ose ish-lojtarë kishin të njëjtën varësi.
I stërvitur në radhët e Manchester United, Darron Gibson ishte kampion i Anglisë dhe fitues i dy Kupave të Ligës. Ai u huazua tek Antwerpi dhe Wolverhamptoni. Në vitin 2012 u largua për në Evertoni, ku kaloi pesë vjet, dhe më pas kaloi kohë në Sunderlandi, Wigani dhe Salford City, ku përfundoi karrierën e tij.
