Sevilla rrezikon të humbasë në verë një nga lojtarët më të rëndësishëm dhe vendimtarë. Fantazisti Pablo Sarabia, që deri në këtë pjesë të sezonit ka shënuar 19 gola në 40 ndeshje, nuk do të rinovojë kontratën që skadon në vitin 2020 dhe pritet të largohet për vetëm 18 milionë euro sipas klauzolës.
Drejtuesit e klubit po bëjnë të pamundurën për të rinovuar kontratën me 26-vjeçarin në mënyrë që të rritin edhe klauzolën, por palët janë larg një akordi. Në një kohë kur vlera e Sarabias ka arritur rreth 40 milionë euro, në verë çdo klub që bind lojtarin mund ta shkëpusë nga Sevilla për 18 milionë euro.