Arjan Sheta ishte një nga lojtarët me më shumë eksperiencë në fushë te Besëlidhja në sfidën ndaj Partizanit. Edhe veterani i prapavijës nuk e kishte imagjinuar dot një fitore kaq të thellë të lezhjanëve ndaj të kuqëve. Në mikrofonin e Supersport Sheta tregoi recetën e kësaj fitoreje të Besëlidhjes.
“Unë bej punën time. Deri në këtë momente nuk ka bërë shumë diferencë mosha në Kategorinë e Parë. Nuk e kishim menduar këtë rezultat të thellë. Si ndeshje e kishim vlerësuar.Kishim momentin e duhur që ti jepnim goditjen e duhur Partizanit pas disa humbjesh radhazi. Më vjen keq për Partizanin, elementët i ka, nuk e di se çfarë është duke ndodhur. Nuk ia kam idenë. Ne kemi objektiv ti vlerësojmë të gjithë ndeshjet dhe të shohim më pas në fund se çfarë do të ndodhim”, u shpreh Sheta.
