Kupa e Botës është një event që shërben si trampolinë për shumë futbollistë. Një nga ata që mori vëmendje gjatë turneut të organizuar në Katar, ishte Sofyan Amrabat. Mesfushori ishte një nga lojtarët kyç të Marokut që surprizoi duke prekur gjysmëfinalen teksa falë paraqitjes me kombëtaren e tij, mbërritën edhe një lumë ofertash.
Por, 26-vjeçari që aktivizohet në Serie A me Fiorentinën, nuk lëvizi gjatë merkatos së janarit duke shtyrë atë që mund të konsiderohet si projekti më i rëndësishëm i karrierës për në verë. Kjo pasi në garë për shërbimet e tij është Barcelona.
Lexo edhe:
- Bellingham kthehet në “modë”, PSG-ja i shtohet garës për anglezin
- VIDEO/ I mjaftojnë dy gola, Manchester United bind ndaj Everton
- Prag Milan, Osimhen nis stërvitjen dhe gëzon Spalleti-n
- “Derbi arab ndaj CR7 s’e tundon, Messi të shkojë te kjo skuadër”
Gjigandët e Spanjës, të nxitur edhe nga trajneri Xavi Hernandez kërkojnë ta transferojnë Amrabat në Camp Nou teksa vlerësojnë energjinë e marokenit në fushë, por edhe inteligjencën për të nisur aksionet e për të thyer ato të kundërshtarëve. Kontrata aktuale e Amrabat me Fiorentinën skadon në vitin 2024 dhe kjo është një plus më shumë për Barçën, pasi kartoni i tij nuk vlerësohet në shifrat ekstreme të merkatos aktuale në Europë.
