Skënderbeu u rikthye pa shumë zhurmë në Superiore, megjithatë kur janë zhvilluar 16 ndeshje, aktualisht skuadra korçare e sheh veten në vendin e katërt.
Skuadra e Ivan Gvozdenovic ka treguar qëndrueshmëri jo vetëm në lojë, por dhe në rezultate. Juglindorët nuk kanë pësuar asnjë humbje në 5 ndeshjet e fundit në kampionat, duke qenë në një moment tejet pozitiv.
Lexo edhe:
- Festë e madhe për 20-vjetor, TKZ: Ejani të gjithë në Sheshin Skënderbej
- “Mungesë respekti ndaj Thiago Silvës”, lojtarët e Chelseat kundër Pochettinos
- Ndeshja e fundit në grupet e Europa League, arbitër shqiptar për Atalantën e Gjimshitit
- Dy rekorde skandaloze! Më keq se në 1934, United prek fundin
Laçi dhe Vllaznia do të jenë dy kundërshtarët e fundit për këtë vit për Skënderbeun. Që do të tentojë të bëjë shkëputjen e të hedhë zyrtarisht kandidaturën për katër vendet e para. Pavarësisht se nuk e do e ketë aspak të lehtë.
Një element tjetër që bie në sy tek skuadra e Skënderbeut është mosha mesatare e skuadrës. Duke përjashtuar Erlis Frashërin dhe Elvis Prenccin, të gjithë lojtarët e tjerë janë nën 26 vjeç.
Një ecuri tejet e mirë që në Korçë i ka bërë të gjithë të besojnë se gradualisht mund të kthehen përsëri në nivele të larta. Ndonëse kampionati është ende në gjysmën e rrugës dhe deri në fund gjithçka mund të ndodhë.
