Jenson Button, Kampioni i Botës në vitin 2009 me skuderinë Brawn GP së fundmi thekson se për t’u konsideruar si më të mirët në histori Max Verstappen dhe Lewis Hamilton duhet të largohen nga bota e Formula 1. Britaniku shprehet se dyshja duhet të ndjekë hapat e Fernando Alonsos që ishte një kampion edhe në Le Mans apo Daytona, e më pas të rikthehen sërish në Formula 1.
“Ka mundësi të larta që Max Verstappen të konsiderohet që në këtë moment si një nga pilotët më të mëdhenj të historisë në Formula 1, ashtu si edhe Hamilton. Por, unë i mëshoj idesë se nuk mund të konsiderohesh si një nga pilotët më të mirë në botë nëse nuk e provon veten edhe jashtë Formula 1.
Lexo edhe:
- E konsideroi idhull, Pep Guardiola merr një urim special nga aktorja hollivudiane
- VIDEO/ Tjetër zhgënjim për futbollit italian, kombëtarja U-20 humb finalen e Botërorit
- I dhuroi një trofe Fenerbahces pas shtatë vitesh, e duan në stolin e Brazilit
- Aguero tregon bisedën me Messin: Më tha se do të çojë Inter Miamin…
Kemi shembullin e Fernando Alonsos. Ai ka bërë një punë të jashtëzakonshme në momentin që u largua nga Formula 1. Fitoi në Le Mans dhe në Dayton, madje Le Mans e fitoi dy herë. Tani është rikthyer në Formula 1 dhe sipas mendimit tim, pavarësisht se është në të 40-tat, performanca tij nuk ka pësuar rënie”, u shpreh Button.