Moment pozitiv për Manchester United. “Djajtë e Kuq” siguruan tri pikë të arta falë suksesit 1-2 në fushën e Aston Villës, duke regjistruar suksesin e tretë radhazi në Premier League.
41 pikë numëron United, 6 larg zonës Champions League. Trajneri Erik ten Hag vlerësoi karakterin dhe mentalitetin e djemve të tij në prononcimin pas ndeshjes, ku ndër të tjera tha:
VIDEO/ Spektakël në “Villa Park”, Manchester United merr tri pikë të rëndësishme
“Fitore e madhe. Më pëlqeu shumë skuadra, sidomos në 20 minutat e para. Kontrolluam ndeshjen edhe pas golit të parë, por humbëm shumë raste. Kishim disa mundësi të mira në kundërsulm.
Lexoni edhe:
- Kapiteni shqetëson Milanin, mungon në ndeshjen e së enjtes
- Xavi: Turp, Laporta më tha se kjo është e tepruar
- Tragjike! Ishte vetëm 24 vjeç, ndahet nga jeta rekordmeni i maratonës
- “Mourinho po studion gjermanisht”, gazetari jep lajmin e bujshëm
Luftuam fort për të marrë tri pikët edhe pasi rezultati u barazua 1-1. Jam i lumtur që arritëm të fitonim këtë përballje me intensitet të lartë. Në minutat e fundit u zhvillua një lojë e hapur nga të dyja skuadrat.
Më vjen mirë që kemi rigjetur mentalitetin e duhur. Nevojitej një karakter i fortë për të thyer Aston Villën në fushën e vet. Më pëlqyen edhe lojtarët që erdhën nga pankina”, u shpreh trajneri holandez i United.
