Marcelo Troisi, evidentoi momentet e diskutueshme të sfidës me Kukësin, duke lënë të kuptohet se sipas tij vlonjatët janë dëmtuar. Sa i përket situatës së krijuar te kuqezinjtë, u shpreh:
“Rreth kontratave jam akoma optimist edhe pse është një situatë e vështirë. Kam pak lojtarë në dispozicion. Jam ende në pritje, për të parë se çfarë do të ndodhë dhe se si do të punojmë.”
Rasti i penalltisë: Për mua nuk është penallti, është prekur dukshëm topi nga portieri. Ndërsa për pretendimin e Ribajt, ishte shumë e shpejtë në fushë dhe nuk u duk mirë, ndërsa lojtari i Kukësit (Lulaj) kishte dorën të hapur dhe ishte penallti.
Mungesa e prezantimit: Për këtë duhet të pyesni presidentin. Kam dëgjuar që ka pasur një mungesë respekti kundra meje. Kam luajtur dhe kam vite që jam në futboll. Kam respekt për shqiptarët, dikush thotë që unë nuk jam trajner. Unë nuk debatoj se kush merr vesh më shumë për futbollin. Unë jam brazilian dhe në Brazil nuk ekziston kjo puna e licencës. Nuk kam ç’të them se pse nuk jam ende trajner i Flamurtarit. Detyra ime është të punoj dhe nuk di gjë për prezantimin zyrtar.
