Pauza e kombëtareve sjell gjithnjë shqetësime fizike te futbollistët, probleme që më pas i vuajnë klubet. Këshu ndodh edhe në shtëpinë e Juventus, aty ku Danilo pësoi një dëmtim në sfidën e Brazilit me Venezuelën. Raportimet e para ishin shqetësuese për kapitenin e bardhezinjve, megjithatë së fundmi flitet për një pauzë prej 20 ditësh.
Kështu, trajneri Massimiliano Allegri nuk do të ketë në dispozicion një nga besnikët e tij për ndeshjet me Milanin, Veronën, Fiorentinën dhe Cagliarin. Në fakt, për sfidën me sardët, Danilo edhe mund të rikuperojë.
Lexo edhe:
- Sylvinho sqaron çfarë ndodhi me Brojën para ndeshjes me Çekinë
- Ajeti: Jam i lumtur që jam rikthyer te Kombëtarja, duam kualifikimin në Moldavi
- “E meritojmë kualifikimin”, Strakosha zbulon diferencën e Panuccit e Rejës me Sylvinhon
- Sylvinho: Kualifikimi vendoset në nëntor, ndaj Bullgarisë bëj 4-5 ndryshime
Megjithatë, stafi mjekësor i “Zonjës së Vjetër” nuk e ka ndërmend ta rrezikojë 32-vjeçarin, edhe për shkak se trajneri Allegri kërkon ta ketë me patjetër në organikë për ndeshjen me Interin më datë 26 nëntor. Kështu, Danilo do të humbasë grumbullimin e radhës me kombëtaren “Selecao” e pritet të rikthehet në fushë plotësisht i riaftësuar në fundin e muajit nëntor.