Federata Shqiptare e Futbollit do të organizojë turneun europian të grup moshës U16 “UEFA Development” për djem. Ky turne do të zhvillohet në vendin tonë në datat 1-7 mars. Dhe të gjitha ndeshjet do të luhen në “Shtëpinë e Futbollit”.
Përveç Shqipërisë U16 në këtë turne do të marrin pjesë edhe përfaqësueset e Kosovës U16, San Marino U16 dhe Belize U16. “UEFA Development” është një turne zhvillimor që i jep mundësinë kuqezinjve të vegjël të matin forcat me bashkëmoshatarët e tyre.
Lexo edhe:
- VIDEO/ Përmbysje spektakolare ndaj Romës, Interi nis ‘arratinë’ në krye
- Zyrtare/ Rroca largohet nga Istanbulspori, mbetet në Turqi
- VIDEO/ Bayerni bëhet për “aspirina”, Leverkuseni shtrin dorën drejt titullit
- VIDEO/ Reali ‘leksion’ Gironës, e mposht bindshëm dhe e kthen me këmbë në tokë
Për ekipin e drejtuar nga trajneri Ardi Behari do të jetë një mundësi shumë e mirë për të treguar vlerat në fushën e lojës. Sa i përket kalendarit, ndeshjet e para të këtij turneu do të zhvillohen në datën 2 mars.
Takimi i parë i ditës në “Shtëpinë e Futbollit”, do të jetë San Marino-Kosova (11:30). Më pas, Shqipëria do të përballet me Belizen (14:30).
Ndeshjet e dyta më 4 mars. Sfida e parë do të jetë Belize-San Marino (11:30), ndërsa Shqipëria dhe Kosova do të përballen së bashku në 14:30.
“UEFA Development U16” do të ulë siparin më 7 mars. Sfida e parë Kosovë-Belize (11:30). Më pas kuqezinjtë kundër San Marinos (14:30).
Kalendari i plotë i ndeshjeve
San Marino-Kosovë 02.03.2024 Shtëpia e Futbollit, ora 11:30
Shqipëri-Belize 02.03.2024 Shtëpia e Futbollit, ora 14:30
Belize-San Marino 04.03.2024 Shtëpia e Futbollit, ora 11:30
Shqipëri-Kosovë 04.03.2024 Shtëpia e Futbollit, ora 14:30
Kosovë-Belize 07.03.2024 Shtëpia e Futbollit, ora 11:30
Shqipëri-San Marino 07.03.2024 Shtëpia e Futbollit, ora 14:30
