Milani po kalon një periudhë të errët, por të dielën rikthehet derbi ndaj Interit, sfidë tepër e fortë dhe e komplikuar. Gjithsesi, kampionët në fuqi të Italisë kanë një shans të artë për të dalë nga kriza nëse triumfojnë në derbin e zjarrtë.
Kapiteni i kuqezinjve, Davide Calabria është nderuar për arritjen e 200 ndeshjeve me Milanin. Paolo Maldini i ka dhuruar mbrojtësit të djathtë një medalje, ndërkohë që 26-vjeçari karikoi shokët.
“Është një krenari e madhe për mua. Tani le t’i kthehemi punës. Duhet të rikthehemi të buzëqeshim dhe të fitojmë”, u shpreh lojtari italian në lidhje me duelin e përjetshëm ndaj Interit.
Napoli është shkëputur dhe është në rrugën e duhur drejt titullit kampion, ndërkohë që Milani dhe Interi për momentin po garojnë për një biletë në Champions League.
https://twitter.com/i/status/1621535306880110598
