Atalanta triumfon me rezultatin 3-0 ndaj Sassuolo-s në takimin e javës së 25-të të Serie A.
Sfida e luajtur në “Gewiss Stadium” rezultoi shumë e luftuar, megjithatë në fund ishin vendasit ata që festuan.
Pasalic zhbllokoi takimin në minutën e 22’, duke kaluar Atalanta-n në avantazh.
Në minutat shtesë të pjesës së parë Sassuolo fitoi penallti, që u mor përsipër të ekzekutohej nga Pinamonti, i cili u ndal dy herë nga Carnesecchi, pasi penallti u ripërsërit,
Në minutën e 58’ Koopmeiners gjeti rrugën drejt rrjetës, pas një aksioni model të vendasve, duke dyfishuar avantazhin e skuadrës së tij.
Ndërsa Bakker realizoi një super goditje në minutën e 75’, duke shënuar golin e tretë të Atalanta-s dhe duke vulosur këtë sfidë.
Pas javës së 25-të Atalanta ruan ecurinë pozitive dhe renditet në vend të katërt me 45 pikë, ndërsa për Sassuolon që renditet në vend të 17-të me 20 pikë vazhdon kriza.
Sa u përket lojtarëve shqiptarë të këtyre dy skuadrave, kapiteni i Kombëtares “kuqezi”, Berat Gjimshiti vijon të jetë titullar i padiskutuar i Atalanta-s.
Ndërsa nga ana e Sassuolo-s, mesfushori “kuqezi” Nedim Bajrami e nisi këtë përballje si titullar dhe luajti deri në minutën e 60’, teksa mbrojtësi i kombëtares shqiptare, Marash Kumbulla as në këtë përballje nuk debutoi me Sassuolo-n.
Atalanta-Sassuolo (3-0)
Java e 25, Serie A
75′-Goool! Bakker realizon një goditje të bukur nga distanca dhe trefishon avantazhin e Atalanta-s.
58′-Goool! Aksion model i Atalanta-s, që finalizohet bukur nga Koopmeiners.
45+5′-Pinamonti provon të realizojë në ripërsëritjen e penalltisë, por ndalet sërish nga Carnesecchi.
45+3′-Sassuolo fiton penallti të cilën e merr përsipër Pinamonti, por ndalet nga Carnesecchi. Megjithatë arbitri sinjalizon që penalltia duhet të ripërsëritet.
27’-Nedim Bajrami provon të barazojë me një goditje të fortë nga distanca, por nuk gjen dot rrugën drejt rrjetës.
22’-Goool! Pasalic gjen rrugën drejt rrjetës me një super goditje dhe kalon Atalanta-n në avantazh.
Lexo edhe:
- VIDEO/ “Predha” e radhës nga goditja e dënimit, Manaj i jashtëzakonshëm
- Broja me grip në shtëpi, Sylvinhos i shkon dëm udhëtimi në Angli
- Një gjerman për pankinën, Kosova zyrtarizon trajnerin e ri
- “Prurje” nga Bundesliga për Kosovën, e konfirmon Ademi
Formacionet zyrtare:
