Ballkani u mposht 0-1 nga Plzen në “Air Albania”, rezultat që mban kampionët e Kosovës në vendin e fundit në grupin C të Conference League.
Ndeshje me dy fytyra për djemtë e Ilir Dajës, të cilët bënë mirë në 45 minutat e para. Por nuk ia dolën të gjenin golin e avantazhit.
Ndërkohë, Ballkani nuk tregoi asgjë në fraksionin e dytë të sfidës. Çekët realizuan golin e fitores nëntë minuta përpara fundit.
Sulc shfrytëzoi në maksimum daljen e gabuar të portierit Koliçi dhe me kokë dërgoi topin në rrjetë.
Ballkani luan takimin e fundit të grupit në “Maksimir” përballë Dinamos. Për t’u kualifikuar duhet fituar në Zagreb dhe Astana nuk duhet të mposhtë Plzenin.
Conference League
Grupi C
BALLKANI-PLZEN 0-1 (Sulc 81′)
Kronika e ndeshjes:
81′ Dalje e gabuar e portierit Koliçi! Plzen kalon në avantazh me Sulc.
74′ Goditje dënimi në pozicion të favorshëm për Ballkanin. Tenton Jashanica, topi sipër portës.
65′ Topi del për Bucha, i cili humbet një shans të mirë, duke goditur jashtë.
60′ I pasigurt Jashanica. Diagonale e Sykorës, Koliçi grushton në këndore.
57′ Kroson Thaqi nga e djathta, Kuc devijon me kokë, por nuk ka saktësinë e duhur.
43′ Mosquera gjuan nga goditja e dënimit, pret pa probleme Koliçi.
42′ Plzen pranë golit. Për fat, devijimi i Kliment përfundon jashtë.
37′ Lojtarët e Ballkanit pretendojnë për penallti, kryesori rumun vijon lojën.
36′ Kombinime të bukura te Ballkani, Karrica shkarkon “sallaken”, portieri kundërshtar i mohon golin me zgjatjen e tij.
32′ Gripshi provon nga larg, nuk ka rrezik për portën e Plzen.
30′ Dellova i pasaktë nga goditja e dënimit.
24′ Plzen rrezikon, por Koliçi është në gatishmëri.
19′ Tepër qendrore gjuajtja e Karricës, pret pa probleme Baier.
14′ Provon edhe Zyba me kokë, topi mbi traun e portës së ekipit çek.
13′ Skemë e bukur e Ballkanit, Kuc tenton cepin e portës me kokë, një mbrojtës kundërshtar i mohon golin kapitenit.
7′ Top i gjatë nga Jashanica, Karrica i shkëputet mirë mbrojtjes kundërshtare, por portieri kundërshtar ia del të kontrollojë topin.
FORMACIONET ZYRTARE
Ilir Daja ka përzgjedhur formacionin zyrtar të Ballkanit për duelin ndaj Viktoria Plzen në “Air Albania”. I vlefshëm për raundin e parafundit në grupin C të Conference League.
Kampionët e Kosovës synojnë fitoren në Tiranë përballë çekëve, të cilët kanë siguruar kualifikimin. Dueli Ballkani-Plzen do të transmetohet live në SuperSport 2 (18:45).
Lexo edhe:
- Klasifikimi për muajin nëntor, barazimet me Moldavinë dhe Ishujt i kushtojnë Shqipërisë
- Shkeljet financiare, City arrin akordin për “gjyqin e shekullit”, ja kur do të nisë!
- “Një polic të cilin shokët nuk e dëgjojnë”, nota e Asllanit në ndeshjen me Benfican
- “Kumbulla na ka lënë pa opsione”, Mourinho: Pres një mesazh nga ata që luajnë pak!
Mes shtyllave Enea Koliçi, teksa katërshja e mbrojtjes formohet nga Armend Thaqi, Bajram Jashanica, Gentrit Halili dhe Lorenc Trashi.
Kapiteni Edvin Kuc formon treshen e mesit të fushës me Qëndrim Zybën dhe Lumbardh Dellovën. Përpara, Albin Berisha në qendër dhe Nazmi Gripshi e Bernard Karrica nga krahët.
![](https://www.supersport.al/wp-content/uploads/2022/12/Asset14-2-2.png)