Manchester City bind në transfertën e Nottingham Forest, në takimin e vlefshëm për javën e 35-të të Premier League.
Skuadra e Pep Guardiola-s diktoi ritmin e kësaj sfide, ndërsa ia doli që të zhbllokojë rezultatin në minutën e 32’, me De Bruyne që dhuroi asist dhe Gvardiol që gjeti rrugën drejt rrjetës.
Lexo edhe:
- VIDEO/ “Nëse flas, do të ketë zjarr”, shkëndija mes Kloppit dhe “Faraonit”
- VIDEO/ “Predha” e radhës, Rey Manaj realizon supergol në “derbin” me Cikalleshin
- De Rossi: Kemi rindezur garën, para tre muajve nuk do e besoja se sot do ishim në vend të pestë
- Shumë raste, por zero gola, Juventusi ndan pikët me Milanin
Ndeshja vazhdoi me rezultatin 0-1 deri në minutën e 71’, kur Haaland realizoi golin e dytë për City-n, ndërsa edhe në këtë rast asisti u dhurua nga Kevin De Bruyne.
Në fund takimi u mbyll me dy gola, me Nottinham Forest që qëndron në vend të 17-të ose thënë ndryshe pranë zonës së rrezikut me 26 pikë, teksa Manchester City pozicionohet në vend të dytë me 79 pikë, një më pak se Arsenal-i i kreut, por me ekipin e Guardiolës që ka një ndeshje më pak.
Nottingham Forest-Manchester City (0-2)
Java e 35-të, Premier League
71’-Goool! De Bruyne sërish protagonist me asist, Haaland i jep golin e dytë City-t.
32’-Goool! De Bruyne jep asist, Gvardiol kalon City-n në avantazh.
