Sulmuesi i Fulhamit, Aleksandar Mitrovic, shënoi një penallti të pazakontë kundër ish-klubit Newcastle në “St. James’ Park”, por që iu anulua për prekje të dyfishtë të topit.
Ishte minuta e 69-të e sfidës kur Mitrovic ekzeutoi 11-metërshin me topin që përfundoi në rrjetë, por festa e miqve zgjati pak sekonda, pasi kryesori e anuloi golin për prekje të topit me të dyja këmbët (dallohet rrëshqitja e sulmuesit serb), siç vërtetohet edhe nga pamjet.
Kryesori e mori vendimin përfundimtar pasi u konsultua me sistemin VAR.
Newcastle më pas shënoi golin e fitores me Alexander Isak, pas krosimit të Callum Wilson në minutën e 89-të.