Eric Bailly po luan sezonin e parë në Ligue 1. Mbrojtësi i kombëtares së Bregut të Fildishtë, u huazua verën e kaluar nga Manchester United te Marseille.
Deri tani numëron ka zhvilluar 12 ndeshje në total me skuadrën franceze. Në duelin e 7 janarit në Kupë përballë Hyeres, sfidë të cilën Marseille e fitoi 0-2, 28-vjeçari u ndëshkua me karton të kuq.
Bailly kreu një faull të rëndë dhe la skuadrën me dhjetë lojtarë në minutën e 15’. Komisioni Disiplinor i Federatës Franceze të Futbollit, ka pezulluar me shtatë ndeshje lojtarin afrikan.
Goditja me shkelm në gjoks ndaj Moussa N’Diaye, i ka kushtuar shumë qendërmbrojtësit. Lojtari kundërshtar doli me barelë nga fusha dhe përfundoi në spital.
Bailly ka shlyer dy ndeshje pezullim, pasi mungoi në takimet e kampionatit ndaj Troyes dhe Lorient.
