Harry Kane mban ende gjallë shpresat e Bayernit për fitimin e titullit të 12-të radhazi në Bundesligë. Sulmuesi anglez realizoi dy herë përballë Leipzigut në “Allianz Arena”, ku miqtë nuk shënuan më shumë se një gol, atë të barazimit të përkohshëm 1-1.
Të parin Kane e shënoi në minutën e 56-të, por miqtë u kundërpërgjigjën me Seskon. Duhej të vinte koha shtesë që Kane të shpëtonte Bayernin nga një rezultat i pakëndshëm, që do ta largonte përfundimisht nga gara për titull.
Bayerni me këtë fitore shkon në kuotën e 53 pikëve, tetë më pak se Leverkuseni kryesues.
Golat
90+1′ – Sapo nisi koha shtesë, Choupo-Moting kontroll një top të gjatë dhe asistin Kane, që nuk fal, 2-1.
70′ – Nuk zgjat shumë epërsia e Bayernit, Sesko, i asistuar nga Olmo e dërgon topin në rrjetë.
56′ – Bayerni i Myniut merr epërsinë ndaj Leipzigut në ndeshjen që po zhvillohet në “Allianz Arena”. Në minutën e 56-të, Harry Kane lëshoi një diagonal të pakapshme për portierin Blaswich, me topin që përfundo në rrjetë.