Pesë fitore radhazi për Juventusin në Serinë A, gjashtë në shtatë ndeshjet e fundit. Skuadra bardhezi merr kryesimin (qoftë përkohësisht) e kampionatit italian falë suksesit 2-1 përballë Cagliarit në “Allianz Stadium”.
Një përballje që u vendos në pjesën e dytë, pasi një 45-minutëshi të parë të ekuilibruar, pa shumë raste në portat respektive.
Takimin e zhbllokoi Bremer në minutën e 60-të, pas një asisti të marrë nga Kostic.
Lexo edhe:
- Tragjedi në futbollin shqiptar, Dwamena ndërron jetë në moshën 28-vjeçare
- “As kartoni i verdhë nuk e ndali”, trajneri i Legias vlerëson ish-mesfushorin e Tiranës: Më lumturoi!
- Notat/ Më i miri te Atalanta, elozhe pa fund për Gjimshitin: Shumë nerv dhe prezencë në zonë
- “Duhet kujdes me Brojën”, Sylvinho: Për mua nuk ka rëndësi nëse një lojtar luan në Kore apo Shqipëri
10 minuta më vonë dyfishoi shifrat Rugani, por Cagliari nuk ishte dorëzuar.
Dossenna, i shërbyer nga Jankto, shkurtoi diferencën në 2-1 në të 75-tën, por ky rezultati mbeti në fuqi deri në vërshëllimën e trefishtë të kryesorit.
Juventusi me këtë fitore ngjitet i pari në kuotën 29 pikëve, një më shumë se Interi, që pret këtë të diel Frosinonen.