Lazio i dha fund ecurisë prej tre ndeshjesh pa fitore në kampionatin italian. Skuadra e Sarrit triumfoi 0-2 në fushën e Sassuolos, sfidë ku Elseid Hysaj u aktivizua si titullar në krahun e djathtë të mbrojtjes.
Bardhekaltrit realizuan nga një gol në limitet e çdo pjesë. Rezultatin e zhbllokoi Mattia Zaccagni me një penallti, ndërkohë që fitorja u vulos nga goli i Felipe Anderson.
Suksesi i sotëm ishte i pari për Lazion në vitin 2023. Skuadra kryeqytetase është ngjitur në vendin e pestë me 34 pikë, tri më pak se zona Champions, që është edhe objektivi kryesor i klubit.
Hysaj luajti gjatë gjithë ndeshjes, në pjesën e dytë u ndëshkua me karton të verdhë, ndërkohë që performanca e tij u vlerësua me notën 7.2.
