Paris Saint-Germain triumfon edhe në Spanjë, me kampionët e Francës të cilët fituan 1-2 ndaj Real Sociedad (1-4 rezultati i përgjithshëm).
Në ‘’Reale Arena’’, Kylian Mbappe ishte protagonist absolut, me sulmuesin që realizoi dy golat e kësaj sfide për PSG.
Lexo edhe:
- VIDEO/ Gol dhe ndeshje perfekte, ja nota e Asllanit në ndeshjen ndaj Genoas
- Josa nuk i ndahet Bejzades, i merr vendin edhe te Erzeni
- Osmani rrëfen kalimin nga Tirana te Vllaznia dhe raportet me trajnerin e futbollistët
- VIDEO/ Shkëlqeu në derbi, momentet më të bukura të Muçit
25-vjeçari zhbllokoi ndeshjen në minutën e 15’ duke shfrytëzuar në maksimum pasimin e Dembele, me Mbappe që më pas tregoi të gjithë potencialin e tij, një gol që vendosi pjesën e parë.
Në fraksionin e dytë, Sociedad provoi të ndryshonte ndeshjen, por nuk ia doli, kjo pasi Mbappe shënoi përsëri shumë shpejt. Francezi shënoi në minutën e 56’ këtë herë pas asistimit të Kang-In Lee dhe i vetëm përballë portierit Remiro nuk gaboi.
Në fund, baskët rihapën ndeshjen me anë të Mikel Merino në minutën e 89’, por ishte një gol që nuk ndikoi në llogaritë e kualifikimit.
Kështu, PSG siguron kualifikimin në çerekfinale falë rezultatit të përgjithshëm 4-1, në një sukses ku Mbappe tregoi të gjithë potencialin e tij, por edhe rëndësinë e tij në organikën e Luis Enrique pas një periudhe jo të lehtë.