Milani fitoi miqësoren e fundit përpara nisjes së sezonit të ri në Serie A. Skuadra e Stefano Piolit u përball me Novarën, skuadër që garon në divizionin e tretë të futbollit italian.
4-2 fituan kuqezinjtë këtë takim, që u zhbllokua nga Samuel Chukwueze. Nigeriani mori një top nga Noah Okafor në minutën e nëntë, dribloi portierin dhe gjeti golin e parë me ekipin e ri.
Lexo edhe:
- VIDEO/ Triumfon ndaj Bayern, Leipzig fiton Superkupën e Gjermanisë për herë të parë në histori
- VIDEO/ Miqësorja Partizani-Roma, “verdhekuqtë” marrin fitoren e dytë në “Air Albania”
- VIDEO/ Las Palmas-Mallorca ndajnë pikët, Muriqi i pafat në sfidën e parë të La Liga-s
- VIDEO/ Nis Superliga turke, Cikalleshi rikthehet me gol dhe i dhuron pikë Konyaspor-it
Më pas ishte radha e zviceranit për të festuar realizimin e parë me Milanin. Okafor dërgoi rezultatin në 2-0. Niccolo Corti rihapi takimin pas gjysmë ore lojës.
Në fraksionin e dytë të takimit, “pokeri” i Milanit u kompletua nga golat e Davide Calabrias dhe Lorenzo Colombos, ndërkohë që Luca Prinelli shënoi të dytin për Novarën.
Milani luan takimin e parë të kampionatit në transfertë. Përballë Bolognas, sfidë e programuar për datën 21 gusht (20:45).
