Shkurt i brishtë për Juventusin, që ka marrë vetëm një pikë në tre ndeshje këtë muaj. Bardhezinjtë nuk shkuan dot përtej barazimit 1-1 në transfertën ndaj Veronës, teksa fitorja në kampin torinez mungon prej 4 ndeshjesh dhe distanca me kreun shkon në 9 pikë.
Vendasit e nisën vrullshëm takimin dhe morën avantazhin në minutën e 11’ me një gol spektakolar të mesfushorit Folorunsho, i cili shënoi me një goditje spektakolare me të majtën nga jashtë zone.
Megjithatë pjesa e parë do të mbyllej në barazim, pasi bardhezinjtë fituan një penallti ,të cilën e shndërroi në gol serbi Vlahovic, që u ngit në kuotën e 13 realizimeve personale këtë sezon.
Lexo edhe:
- VIDEO/ “Predha” e radhës nga goditja e dënimit, Manaj i jashtëzakonshëm
- Broja me grip në shtëpi, Sylvinhos i shkon dëm udhëtimi në Angli
- Një gjerman për pankinën, Kosova zyrtarizon trajnerin e ri
- “Prurje” nga Bundesliga për Kosovën, e konfirmon Ademi
Edhe në pjesën e dytë ishte Verona që kaloi e para në avantazh me anë të Noslin në minutën e 52-të, por vetëm tri minuta më vonë Rabiot riktheu baraspeshën.
Ritmi mbeti i lartë deri në fund dhe të dy skuadrat krijuan raste shënimi, por në fund pranuan rezultatin 2-2 dhe ndanë nga një pikë, që më shumë punë u bën veronezëve, të cilët luftojnë për të siguruar mbijetesën.
Nga ana tjetër Juventusi del nga gara për titullin dhe tashmë rrezikon të dorëzojë edhe vendin e dytë, që mund t’ia rrëmbejë Milani, nëse mposht Monzën në transfertë të dielën në mbrëmje.
Verona-Juventus 2-2
(Folorunsho 11’, Noslin 52’/ Vlahovic 28′ (pen.), Rabiot 56′)
56′ – Goool. Rikthehet shpejt baraspesha për bardhezinjtë, që shënojnë me mesfushorin francez Rabiot.
52′ – Goooool. Sërish Verona, këtë herë shënon me Noslin dhe rimerr avantazhin. Festë në “Bentegodi”…
28′ – Zgjat pak avantazhi i miqve, Vlahovic tregohet i saktë nga pika e bardhë e penalltisë, 1-1.
11′ – Gooooool. Folorunsho shënon një7 gol spektakolar, ndoshta më të bukurin e vitit dhe shtang Juventusin në “Bentegodi”…
Allegri gjen nga minuta e parë sulmuesin serb Dusan Vlahovic, që ka lënë pas dëmtimin, teksa Verona vjen me një ekip modest, por me dëshirë për të marrë pikë të vlefshme në rrugëtimin drejt mbijetesës.
Formacionet zyrtare:
