Kombëtarja e Brazilit po kryen në Itali përgatitjet për Botërorin e Katarit, që do zhvillohet për herë të parë në histori në dimër (20 nëntor-18 dhjetor). Seancat stërvitore të Tites janë të larmishme dhe të veçanta.
27 lojtarët e grumbulluar janë sfiduar me një prove ndryshe nga të tjerat. Një dron hedh një top nga 35 metra lartësi dhe futbollistët e kombëtares seleçao duhet ta stopojnë atë.
Të gjithë dështojnë me radhë, por jo Neymar. Sulmuesi i PSG-së ishte i vetmi që ia doli ta spostonte topin e ardhur nga lartësia e madhe. Më pas festë me shokët siç dallohet në video.
Pesë herë kampionët e botës vazhdojnë përgatitjet e tyre në qendrën stërvitore të Juventusit. Brazili luan takimin e parë në Botëror ndaj Serbisë (24 nëntor), teksa në grupin G bëjnë pjesë edhe Zvicra e Kameruni.
