Pas barazimit me Arsenal, Liverpool rikthehet te suksesi teksa mposhtën në transfertë me shifrat 1-6, Leeds United. Të besuarit e trajnerit Jurgen Klopp u shfaqën agresive në fushë dhe imponuan ritmin e tyre teksa në minutën e 35-të Cody Gakpo kaloi të tijtë në avantazh pas asistit të Salah.
Një aksion që pati kontestime nga vendasit për një prekje të topit me dorë nga Trent-Alexander Arnold, por që në fund goli u konfirmua. Katër minuta më pas, The Reds shënuan sërish.
Lexo edhe:
- Zi në botën e futbollit, kanceri i merr jetën ish-mesfushorit spanjoll
- VIDEO/ “Fair Play” i sulmuesit, fiton respektin e tifozëve dhe kundërshtarëve
- Xabi Alonso, “aspirina” e duhur që riktheu buzëqeshjen te Bayer Leverkusen
- Rekord dhe fitore/ Orges Shehi, 100 ndeshje bardheblu
Këtë herë ishte Mohamed Salah që shënoi pas një rrotullimi të bukur në zonë. Në fraksionin e dytë, Leeds provoi të rihapte ndeshjen duke gjetur golin me anë të Sinsterras në minutën e 47-të.
Por, shpresat u shuan shpejt pasi Diego Jota dhe sërish Salah rikthyen qetësinë te Liverpool. Në vijim pati kohë edhe për dy gola të Diego Jotas dhe Darwin Nunez teksa pas kësaj fitoreje, Liverpool ngjitet në kuotën e 47 pikëve në vend të tetë.
Nga ana tjetër, për Leeds ishte e dyta humbje radhazi me goleadë pas asaj ndaj Crystal Palace (1-5) ndërsa skuadra renditet në vendin e 16-të me 29 pikë duke mbetur e përfshirë në garën e mbijetesës.
Lexo edhe:
