Chelsea kalon në gjysmëfinalet e Carabao Cup, ndërsa eliminoi Newcastle vetëm pas penalltive, pasi koha e rregullt në “Stamford Bridge” u mbyll me barazimin 1-1.
Takimi u zhbllokua në minutën e 16’ nga Wilson që kaloi lehtësisht mbrojtjen e Chelsea-t dhe shfrytëzoi një gafë të Badiashile për të gjetur rrugën drejt rrjetës.
Lexo edhe:
- Inzaghi e kthen Interin në “bunker”, vetëm një skuadër europiane më mirë se prapavija zikaltër
- Një karrierë që nisi nga Pogradeci dhe vijon te Ballkani, Daja feston 500 ndeshje si trajner
- Talenti brazilian i bënë dhuratën e bukur presidentit të Realit, ne verë nis aventurën në Madrid
- VIDEO/ Momenti kur roja e sigurisë nuk e lejon të hyjë në sallën e shortit të Championsit legjendën e Interit
Pas dëmtimit të Enzo Fernandez, sulmuesi i kombëtares shqiptare të futbollit, Armando Broja u aktivizua në minutën e 32’.
Broja pati mundësinë për të gjetur golin e barazimit në minutë e 38’, por “perla” e realizuar nga shqiptari ishte “offside”.
Ndërsa u duk se po shuhej çdo shpresë për Chelsea-n, në minutën e 90+2’ Mudryk shfrytëzon një gafë të mbrojtjes së Newcastle dhe barazon, duke e çuar ndeshjen te penalltitë.
Në fund penalltitë mbyllen me rezultatin 4-2, me Chelsea-n që siguron kalimin në fazën gjysmëfinale dhe eliminon Newcastle.
Koha e rregullt e Everton-Fulham u mbyll me barazimin 1-1, ndërsa ishin miqtë ata që morën avantazhin në minutën e 41’ falë autogolit të Keane, teksa vendasit barazuan vetëm në minutë e 82’ me golin e realizuar nga Beto.
Fituesi u vendos vetëm pas penalltive me rezultatin 6-7, me Fulham që triumfoi vetëm pasi realizoi penalltinë e shtatë.
Port Vale-Middlesbrough mbyllet me rezultatin 0-3, me miqtë që prenë biletën për në gjysmëfinale të Carabao Cup, në një sfidë që e dominuan të gjithën.
Tre gjysmëfinalistët e parë të Carabao Cup janë Middlesbrough, Fulham dhe Chelsea, ndërkohë pritet të zbulohet edhe gjysmëfinalisti i fundit mes Liverpool-West Ham, që luhet këtë të mërkurë në orën 21:00 dhe transmetohet live dhe ekskluzivisht në “SuperSport 3”.
Chelsea-Newcastle (1-1) Pen- (4-2)
Carabao Cup, çerekfinale
90+2′-Gooool! Gafë e mbrojtjes së Newcastle, që shfrytëzohet nga Mudryk, i cili e dërgon topin në fundin e rrjetës.
45+4′-Broja shumë pranë golit, por goditja e sulmuesit “kuqezi” ndalet nga Dubravka.
38’-Kundërsulm i Chelsea-t, që u mbyll me finalizimin shumë të bukur të Brojës, por për fatin e keq të sulmuesit “kuqezi” goli u anulua për pozicion të parregullt.
32’-Armando Broja aktivizohet në vend të Enzo Fernandez, me këtë të fundit që mbeti i dëmtuar.
16′-Goooool! Wilson kalon lehtësisht mbrojtjen e Chelsea-t dhe pas gafës së Badiashile e dërgon topin në rrjetë dhe kalon Newcastle në avantazh.
Formacionet zyrtare, Broja e nis takimin nga stoli:
