24 “ushtarë” të thirrur nën armë nga “gjenerali” Berndard Challandes për dy ndeshjet e Kosovës në muajin mars, me Danimarkën në miqësore dhe Bullgarinë në eliminatoret e Euro 2020.
Florent Hasani, Bersant Celina e Bernard Berisha janë 3 futbollistët e rinj të ftuar nga trajneri Challandes, të cilët nuk ishin në dispozicion të teknikut në ndeshjen e fundit ndaj Azerbajxhanit. Celina dhe Berisha, duhet saktësuar, kanë qenë pjesë e Kosovës në grumbullimet e mëparshme, ndërsa për Hasanin do të jetë hera e parë që do të veshë fanellën e Përfaqësueses A.
Mbetet jashtë listës Donis Avdijaj, që pavarësisht se është zyrtarisht lojtar i Willem II në Holandë, nuk po luan me këtë skuadër (madje është pezulluar pak muaj më parë për çështje disiplinore). Ka merituar grumbullimin edhe Lirim Kastrati, i cili është shok skuadre me sulmuesin e Shqipërisë, Myrto Uzuni te Lokomotiva e Zagrebit.
Lista e Challandes:
Portierë:
Samir Ujkani – Caykur Rizespor
Arijanet Muric – Manchester City
Visar Bekaj – FC Prishtina
Mbrojtës:
Amir Rrahmani – GNK Dinamo Zagreb
Fidan Aliti – Kalmar
Mërgim Vojvoda – Royal Excel Mouscron
Leart Paqarada – SV Sandhausen
Benjamin Kololli – FC Zurich
Arbenit Xhemajli – Neuchâtel Xamax
Mirlind Kryeziu – FC Zurich
Mesfushorë:
Florent Hasani – Diosgyor
Bersant Celina – Swansea
Valon Berisha – SS Lazio
Hekuran Kryeziu – FC Zurich
Herolind Shala – Vålerenga Fotball
Idriz Voca – FC Luzern
Besar Halimi – Brøndby
Arbër Zeneli – Reims
Milot Rashica – SV Werder Bremen
Edon Zhegrova – Basel
Bernard Berisha – Akhmat Grozny
Sulmues:
Vedat Muriqi – Caykur Rizespor
Atdhe Nuhiu – FC Sheffield Wednesday
Lirim Kastrati – Lokomotiva Zagreb.
