Lautaro Martinez është gati të marrë rolin e protagonistit në sulmin e Interit, qoftë me Mauro Icardin në krah. Sulmuesi argjentinas, që kthehet në dispozicion të Spalletit, lundër Frosinones, e ka të qartë se çfarë do të thotë të mbash veshur fanellën zikaltër me numër 10.
“Gjithmonë punoj për të dhënë më të mirën. Numri në anën e pasme të fanellës përdoret për t’u identifikuar. E di mirë se çfarë do të thotë të jesh numri 10 i Interit. Personalisht, po përpiqem ta meritoj në të gjitha mënyrat”.
Spalletti mund të t’i besojë rolin e titullarit, duke ulur në stok pikërisht Icardin, por Lautaro mendon se mund të jenë të dy njëkohësisht në fushë.
“Që nga momenti i parë, kur kam ardhur tek Interi, Mauro më ka mbështetur. Ai më ka ndihmuar në shumë gjëra për t’u përshtatur me grupin e ri. Ne luajmë me sisteme të ndryshme, por ndonjëherë përdorim edhe një tip “gjysmëpyke” pas sulmuesit. E kemi aplikuar këtë modul së bashku me Icardin dhe jam ndier mirë”.
Vendimi i përket trajnerit, që nëse e lë Icardin në stol mund të rindezë polemikat. Të kesh dy sulmues në formë në dispozicion, si Icardi dhe Lautaro, është luks, por në rastin konkret duhet të gjesh modulin e duhur për t’i bërë që të luajnë të dy.
