Momente frikë në stadiumin “Fadil Vokrri” në ndeshjen mes Prishtinës dhe Llapit. Futbollisti mik, Valmir Veliu, pësoi lëndim të rëndë gjatë pjesës së parë, pas përplasjes me Diar Miftarajn e Prishtinës dhe pastaj u dërgua në spital.
Mësohet se gjendja e futbollistit bardhekaltër është e qëndrueshme është jashtë rrezikut për jetë.
Gjendjen e përmirësuar të Valmir Veliut e konfirmoi Murat Berisha, mjeku i ekipit kombëtar të Kosovës. Berisha ia dha trajtim mjekësor futbollistit në fushë, para se ai të dërgohej me autoambulancë në spital.
