Joao Cancelo, pas dy sezonesh në Serinë A, një tek Interi dhe një tjetër tek Juvja, duket se po bën gati valixhet për t’u larguar. Anësori portugez mund të zbarkojë në Premier League, tek Manchester City. Klubi anglez mund të paguajë deri 60 milionë euro (është blerë për 40 milionë euro), shifër që i bën drejtuesit juventinë të mos mendohen gjatë.
Strategjinë e Juventusin në merkato e kushtëzon, në fakt, Paulo Dybala. Nga qëndrimi (ose jo) i tij varen shumë zgjedhje teknike. Kur argjentinasi ishte në top-formë, kartoni i tij vlerësohej 150 milionë euro, por tani kjo shifër duket shumë larg.
Javët e fundit janë shtuar zërat për një zëvendësim kokë më kokë mes tij dhe James Rodriguezit të Bayernit. Ky operacion i pëlqen edhe menaxherit të famshëm portugez, Jorge Mendez, por nuk është e thënë që pritshmëritë që ka një nga njerëzit më të fuqishëm të merkatos së futbollistëve të përmbushën nga klubi bardhezi.
